හිත බැන්දූ ඡායා

දුකට කියැවෙන කවි

තාත්තලා..

තාත්තෙක් ගැන කිවුව ලෙඩ වෙච්චි දුවෙක් කඳුලු පිරි දෙනෙතින් මං ඉන්නෙ ගෙදරමයි යන්න බෑ පොඩි දුරක් හති මහංසිය වැඩියි ඒත් මගෙ තාත්තා තාමත් කරනව කුඹුරු හැත්තෑ තුනයි වයස කන්න දෙකම වැඩ තනියම කොහෙන් ලැබිච්චි හයියක්ද? අදහගන්නත් බෑ සල්ලි නැති කාලෙට පොල් ගසුත් නගිනව ගෙඩි ගිහින් විකුණනව තිබ්බෙ නෑ බඩගින්නෙ මාව එක දවසක් මගෙ රත්තරං තාත්තා පොල් ගහේ යනව දකිනකොට මගේ ඇඟ වෙවුලනව බලාගෙන ඉන්න බෑ මට ටිකක් හරි හොඳ උණොත් පොඩි රස්සාවක් කරගන්න අනේ මට ඒ ඇති ජීවත් වෙන්න දෙන්න තව ටිකක් තාත්තව තනි කරල යන්න නම් මට බෑ